शब्द बोलले गीतातून .. पण भाव तिला कळलेच नाहीत
असावरी ती, मी यमन... सूर आमुचे भेटलेच नाहीत
मी माझ्याशी सौदा केला ..श्वासांचा आणि आठवांचा
तिच्या आठवांना द्याया माझे .. श्वासदेखील पुरलेच नाहीत
मी गेलो दूर तरीहीती... अजुन माझ्या शब्दांत हसते
किती मौसमे गेली तरीही .. रंग तिचे पुसलेच नाहीत
अशी आरशालाही तिची ... सवय आता लागलेली
तिचीच छबी दाखवे तोही ... चेहरे अन्य दिसलेच नाहीत
No comments:
Post a Comment