प्रेमाचे बोलणार.....

रन्काळाच्या तळ्यावर

कुठेतरी काठावर

छोट्याश्या बाकावर

हात तुझा हातावर

घेउनिया तोलणार

प्रेमाचे बोलणार

कुत्र्याचे भुन्कणे

भेळवाल्याचे ओरडणे

तुझे ते टोमणे

येणारे जाणारे चोम्बडे

अशा या एकांतात

प्रेमाच्या या फंदात

मनातले सान्गणार

प्रेमाचे बोलणार......

काळे काळे डोळे

तुझे आगीचे गोळे

गाल गोरे गोरे

जरा हसू देत थोडे

लाल लाल ओठ

करती शब्दांचे स्फोट

माझी हाताची घडी

आणि तोन्डावर बोट

संपले सारे तुझे

की माझी पळी येणार

प्रेमाचे बोलणार.......

विझु लागता संध्याकाळ

बघू लागशील तू घड्याळ

चल निघते ... उशीर झाला

म्हणुन घेशील काढता पाय

पुन्हा गेला वाया वेळ

नाही जमला शब्दांचा खेळ

पुन्हा ओठ गप्प ... डोळ्यात घालमेळ

नाही जमल आज

आता उद्याच्या भरवश्यावर

पुन्हा भेटु उद्या

मी पुन्हा try मारणार

प्रेमाचे बोलणार.....