पुन्हा पुन्हा ...तेच तेच

पुन्हा पुन्हा ...तेच तेच

तिच वाट ..... तशीच ठेच

आनंदात हसताना थोडेच गाल ताणायचे

दु:खात रडतानाही मोजून अश्रू ढाळायचे

भावांचेही भाव करून

सुट्टे मात्र वाचवायचेच

मन भरून मनाला एकदा भिजायला काय हरकत आहे ?

इंद्रधनूची स्वप्ने मनी रंगवायला काय हरकत आहे ?

पण करड्या कोरड्या मनाला

सर्दि पडसे कायमचेच

जे आहे त्यात समाधान ....आणि समाधानात सुख आहे

हरलो शर्यत तरीही ठीक ....भाग घेतला हेच खूप आहे

स्वप्नांनाही उडताना मग

जवळचीच लक्ष्मण-रेष

पुन्हा पुन्हा ...तेच तेच

तिच वाट ..... तशीच ठेच